Ang samahan ng UNITED PRINT AND MULTI MEDIA GROUP (UPMG Phls.) ay nais magpahayag ng saloobin at opion tungkol sa binalita ng LAND TRANSPORTATION FRANCHISING AND REGULATORY BOARD (LTFRB) na hindi na kailangan ang paglalathala sa pahayagan ang aplikasyon at abiso ng pandinig bilang requirement sa pag-isyu ng Certificate of Public Convinience (CPC).
Ayon kay LTFRB Chairman Vigor Mendozana ang hakbang na ito ay isang bahagi ng utos ng Pangulo Ferdinand R. Marcos, Jr., na para maging mabilis amg lahat ng transaksyon sa LTFRB.
Ang desisyon na nasabi ay nakasaad din sa isang memorandun circular na nilagdaan ni Chairman Mendoza at lahat ng miyembro ng ahensya na ayon sa LTFRB ay naaayon sa RA No. 11032 o tinatawag na Ease of Doing Business and Efficient Goverment Service Delivery Act of 2018.
Binigyan diin ng LTFRB na sapat na ang paggamit ng mga digital platform para sa mabilis, mas malawak, at mas madaling pag-access ng impormation. Ang mga abiso ay ilalagay na lamang sa opisyal na website ng LTFRB sa ilalim ng “CPC Application Bulletin” at sa opisyal na social media pages ng Central Office at Regional Franchising and Regulatory Offices (RFOs), Kabilang rin and mga verified Facebook pages.
Sang-ayon kami sa mga sumusunod na layunin ng pamahalaan sa ilalim ng LTFRB na dapat ay maging mabilis ang serbisyo na ibinibigay sa mga mamamayan upang matugunan ang mga pangunahing pangangailangan ng publiko.
Subalit nakalimutan ng pamahalaan na bigyan ng pagkakataon ang aming samahan na magkaron ng isang pandinig upang malaman ang mga hinaing ng mga publisher kasama na ang mga empleyadona mawawalan ng trabaho kapag natupad ang nagsabing pag-aalis ng print media para sa publikasyon ng notices sa CPC.
Humihingi rin ang aming hanay ng isang opem discussion kasama ang LTFRB, Department of Transportation (DOTr), at Land Transportation Office (LTO), upang mapag-usapan ang aming hinaing tungkol sa issue na ito.
Maraming Salamat. Mabuhay!
